2013年1月23日 星期三

蔣麗芸舌戰長毛

蔣麗芸舌戰長毛

蔣麗芸舌戰長毛 - 麗芸舌戰長毛 立法會互罵兩分鐘


「元秋」舌戰長毛,攞嚟醜!立法會發展事務委員會昨討論施政報告內容,社民連梁國雄發言時批評梁粉、市建局主席張震遠涉利益衝突,蔣麗芸突 插嘴斥他離題,辣㷫長毛連珠炮發鬧她「大小姐發雌威」,罵戰鬧足5分鐘。



蔣麗芸 舌戰長毛




蔣麗芸:蔣

梁國雄:梁




蔣:假如佢唔係講緊有關會議上嘅嘢,叫佢收聲。你鍾意講呢,你就出去。

梁:你返去蔣家搵個妹仔畀你管,大小姐,我容忍你唔係容忍一世㗎,你行出去。

蔣:收聲!收聲!

梁:叫你行出去吖,停鐘,你行出去!你係咪儍㗎,你估呢度係蔣家咩?你教主席做嘢?

蔣:主席,請你跟議事規則做嘢!

梁:張震遠係你邊位吖?我講張震遠關你乜嘢事?我問局長責關你乜嘢事,你係咪儍㗎?儍嘅就去睇醫生。阿哥,我容忍咗你好多次喇喎,返去蔣家 囉,有人斟茶遞水,拎埋拖鞋畀你,你喺度發大小姐啲雌威!有無個功能界別叫儍人㗎?你係咪儍㗎,你係儍嘅,話畀我聽我原諒你。

蔣:發神經,你收聲啦。

梁:係你收聲呀,我講乜嘢關你乜嘢事呀?你有冇睇晒本嘢先,你有睇咩?

蔣:收聲吖!

梁:你收聲吖!

蔣:你廢話!

梁:我梗係廢話啦,你連廢話都講。

蔣:你開聲講都唔係講文件嘅嘢。

梁:我問陳茂波責關你乜嘢事?

蔣:梁國雄你醒醒啦,我哋喺度開會係講緊香港市民所關心嘅問題呀。

梁:如果局長做得唔啱,係唔關事嘅?如果張震遠有私利又係唔關事嘅?你係咪儍咗呀?我真係忍咗你好多次,你成日插嘴,我見係女人算啦,但你 係咪儍㗎?


蔣麗芸舌戰長毛

沒有留言:

張貼留言