失戀哲理

失戀哲理

失戀哲理 - 關心妍做紅娘傳愛

關心妍入行10年，擅長唱失戀慘情歌，新歌《失戀哲理》熱播後，更被歌迷封為「失戀達人」。談及感情世界，她坦言只曾跟印尼餐廳太子爺蔣翹 丞（Alfred）及現任老公楊長智真正愛過，多年前傳緋聞的蕭正楠、唐文龍都是煲水新聞！

失戀哲理

---

失戀哲理

喺2002至2003年做新人時，公司安排我同蕭正楠以情侶檔姿態合唱《特別鳴謝》，傳緋聞可以講係順理成章嘅事。講真，我都幾 認真對待呢段緋聞。我眼中嘅蕭正楠係個具幽默感、幾好嘅男仔，因為合作成為朋友，私下都有約出嚟玩，但一定係同Shine、EO2、 Cookies、 at17一大班人去飲嘢、食飯、唱卡拉OK，就算傾電話，都只係同工作有關。嗰時已經開始有狗仔隊，大家嘅事業都係剛起步，只會將個心放喺事 業上，不停衝 呀衝，所以就算日對夜對，都唔會對出真感情。

失戀哲理

失戀哲理 - 唐文龍嗰單緋聞仲搞笑

同唐文龍嗰單緋聞仲搞笑，佢係入行前經朋友介紹認識，大我12年，我只視佢為大哥哥。嗰張話我哋拖手嘅相，係喺入行前影嘅，實情係我哋過馬 路，佢好有風度咁搭一搭我手臂，唔係拖手嗰種，對呢單緋聞，我都唔知點講好。

失戀哲理

失戀哲理 - 遇見Mr. Right唔自閉

至於Alfred係喺我事業低潮期遇上，當時我除咗拍拖外，真係冇乜嘢可以做，但我哋條情路都好難行。嗰時我只可以走內地線（唱歌），但個 心仲好想搏，而佢就因為事業剛起步，大家承受好大壓力，又搵唔到一個緩衝位，我哋辛苦到想抱頭痛哭，最終因為聚少離多而決定分手。

失戀哲理

失戀哲理 - 撮合等愛嘅人

同Alfred分開後，事業、愛情兩失意，我有年幾時間匿埋喺屋企，就算朋友約出街，我都寧願玩自閉，多得嗰 時幫我監製唱片嘅蔡一智成日「逼」我出街，拉我去食飯，仲介紹咗依家嘅老公畀我識，幫我製造機會，結果我哋開始拍拖，最後仲結埋婚，雖然有人 話「唔做媒人 三代好」，但我有咁幸福嘅生活，真係要多謝阿智，所以我決定將阿智嘅好事延續落去，兼任「現代版紅娘」，撮合等愛嘅人！

失戀哲理

還在為前度眷戀　眼淚如晦雨

分手你捱到傷心欲絕　連自尊都給割損

沒能力再戀　發誓要單身自存

餐廳回頭與他再相遇　還是擊傷陰暗處

大概　是你戀上虛構的未來

他應該　愛你的好勝獨裁

大概　是你不夠被騙的忍耐

容納這段愛多個閒人　難道就是永恆

失戀叫你　傷得要死　哭得斷氣

將心跳都暫停　無人同情這悲慘過程　勞煩你自己撐起

相戀到尾　失戀到死　這種哲理　已是常理

就似經典好戲　都有壞結尾

人在大時代愛戀　已落了咒怨

今天纏綿似新婚蜜月　明日必經三角戀

像原地轉圈　去學會悲觀自娛

瘡疤再流血歸咎自願　無謂崩潰的抱怨

大概　是你戀上虛構的未來

他應該　愛你的好勝獨裁

大概　是你不夠被騙的忍耐

容納這段愛多個閒人　難道就是永恆

失戀叫你　傷得要死　哭得斷氣

將心跳都暫停　無人同情這悲慘過程　勞煩你自己撐起

相戀到尾　失戀到死　這種哲理　已是常理

就似經典好戲　都有壞結尾

失戀叫你　都想過死　刻骨銘記

當天這失落期　毫無靈魂放一天假期　尋求對話的知己

多麼愛你　多麼痛悲　這種結尾　缺乏常理

就似想得到你　先放棄　愛你